Кватэру Цапкалаў зноў выставілі на таргі, істотна скінуўшы цану
Кватэру прадаюць з убудаванымі шафамі, кандыцыянерам, кухонным гарнітурам, выцяжкай, варачнай панэллю.
Праз электронны аўкцыён «Белюрзабеспячэнне» паўторна выставілі на продаж нерухомасць Валерыя Цапкалы — трохпакаёвую кватэру з машына-месцам у Мінску, піша «Люстэрка».
Тройка, па якой даўжніком лічыцца Цапкала Валерый Вільямовіч, знаходзіцца ў доме №5 на вуліцы Чарнышэўскага. Агульная плошча жылля — 103,7 м2. У кватэры зарэгістраваны адзін чалавек.
Кватэру прадаюць з убудаванымі шафамі, кандыцыянерам, кухонным гарнітурам, выцяжкай, варачнай панэллю.
Пачатковую цану маёмасці знізілі да 286 753 рублёў 76 капеек, гэта на больш чым 71 000 рублёў ніжэй за першапачатковы кошт. Аўкцыён прызначылі на 9 красавіка.
Першы раз трохпакаёвую кватэру выстаўлялі на аўкцыён 12 лютага. Пачатковы кошт маёмасці складаў 358 442 рублі 20 капеек. Таргі прызначылі на 27 лютага, але яны не адбыліся — не было ахвотных яе купіць.
Жонка Валерыя Цапкала, Вераніка, адзначала раней, што нерухомасць належыць не толькі яе мужу, але таксама ёй і непаўналетнім дзецям мужа і жонкі. На яе думку, рашэннем выставіць на таргі нерухомасць парушаецца ў тым ліку Канстытуцыя. Жанчына заклікала Следчы камітэт і пракуратуру правесці расследаванне праз продаж нерухомасці.
У Мінску Валерыя Цапкалу завочна прысудзілі да 17 гадоў калоніі ўзмоцненага рэжыму.
Цяпер чытаюць
Беларуска працуе ў Дубаі русалкай, каб аддаць доўг 20 тысяч даляраў1
Каментары