Што ён гатуе?
Як распавёў «Белсату» беларус Зміцер Папоў, ва ўласным бізнэсе ён з 1993-га года. У Мінску ён займаўся арганізацыяй канцэртаў, мастацкіх выстаў, стварэннем мастацкіх галерэй. У гэтым яму дапамагала жонка Вольга Кліп.
Пераехаўшы год назад у Варшаву з жонкай і чатырма дзецьмі (усяго ў героя іх шэсць, з іх старэйшы сын — палітзняволены), па словах Зміцера, ён зразумеў, што працягнуць дзейнасць у тым жа напрамку лёгка не атрымаецца і вырашыў сябе паспрабаваць у нейкіх іншых справах.
«У 52 гады я зразумеў, што не так лёгка знайсці сабе месца, працуючы на якім можна забяспечыць сваю сям'ю. … Лёс мяне занёс на рынак. … Я вырашыў сумясціць свае былыя веды, стравы, якія шмат гадоў гатаваў для сяброў і знаёмых, з іншымі кухнямі і прыдумаў такую штуку як «Trzy Rogi» («Тры куты»)», —
расказвае Зміцер і тлумачыць, што адкрыў на рынку пункт, дзе гатуе тушанае мяса з гароднінай па рэцэптах розных краін свету. Толькі тушыць ён яго не ў гаршчочку, а ў спецыяльным бездражджавым цесце.
Па словах Зміцера, рэцэпт яго стравы просты.
Наразаецца гародніна, мяса, дадаюцца спецыі па рэцэптах розных краін свету. Усё гэта разам змешваецца. Раскатваецца цеста. У яго выкладваецца сумесь у форме трохкутніка і закрываецца. Затым змяшчаецца на адну гадзіну ў духоўку. Пасля прыгатавання змазваецца сметанковым маслам.
Цяпер чытаюць
Навуковец распавёў пра геалагічныя загадкі Беларусі: іртуць з зямлі і кратар ад падзення метэарыта, які знішчыў усё жывое ў радыусе тысяч кіламетраў88
Каментары
Але ж у Ваве кропка яго вельмi няўдала знаходзiцца.
Далёка ад центру, ды й на нейкiм брудным страшным рыначку.. я нават пагрэбаваў на яго заходзiць, развярнуўся, ды паехаў галодны дадому..