Былы трэнер брэсцкага «Дынама» прызнаўся, што траціць у Маскве да 500 еўра за месяц
«Калі я трачу больш €500 за месяц, гэта ўжо будзе шмат», — кажа Марцэл Лічка.
Галоўны трэнер футбольнага маскоўскага «Дынама» Марцэл Лічка расказаў, колькі грошай ён траціць на жыццё ў Маскве, піша Championat.com
«Захаран [гуляе за «Рэал Сасьедад» — НН] распавёў, што траціць у Іспаніі € 2-3 тыс.? Гэта шмат! Чаму так шмат? (Смяяцца)
Калі я трачу больш €500 за месяц, гэта ўжо будзе шмат. У мяне абед і трэніроўка на базе. Магу схадзіць у краму і купіць прадукты дадому, каб прыгатаваць сабе вячэру. Я максімум трачу ў месяц у Маскве €500 — мне гэтага хапае», — сказаў чэшскі спецыяліст.
Лічка заняў пасаду галоўнага трэнера маскоўскага «Дынама» мінулым летам. Пасля 21 матча ў расійскай прэм'ер-лізе клуб мае 38 балаў і знаходзіцца на трэцім радку турнірнай табліцы.
У 2018-2019 гадах Марцэл Лічка трэніраваў брэсцкае «Дынама» і прывёў у 2019-м клуб да залатых медалёў у чэмпіянаце Беларусі, спыніўшы 13-гадовую гегемонію БАТЭ.
Нягледзячы на першае месца клуб вырашыў не працягваць кантракт з чэшскім трэнерам, і той перабраўся ў Расію, дзе трэніраваў «Арэнбург».
Цяпер чытаюць
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»3
Каментары
В маЦкве!
...нет хлеба, пускай едят пирожные!)