Дзярждума РФ прыняла закон аб забароне размяшчаць рэкламу ў «замежных агентаў»
Дзярждума РФ прыняла закон аб поўнай забароне рэкламы на ўсіх інфармацыйных рэсурсах замежных агентаў, а таксама рэкламы такіх рэсурсаў.
Гэтая забарона тычыцца любых платформаў, а парушэнне будзе карацца штрафам і пазбаўленнем волі да двух гадоў.
«Нельга ганіць краіну за грошы з-за мяжы і збіраць тут сродкі ад рэкламы», — так пракаментаваў закон спікер Дзярждумы Вячаслаў Валодзін.
У спісах замежных агентаў у Расіі — некамерцыйныя арганізацыі, СМІ, а таксама фізічныя асобы, напрыклад, вядомы блогер Юрый Дудзь ці пісьменнікі Барыс Акунін, Дзмітрый Быкаў, Дзмітрый Глухоўскі і іншыя.
Журналістка Кацярына Гардзеева ўжо абвясціла, што прыпыняе свой праект «Скажи Гордеевой». «Цяпер рэклама ў нас — злачынства. Цяжка паверыць, што хтосьці вырашыць здзейсніць яго з высакародных памкненняў, рызыкуючы бізнэсам, сабой, блізкімі», — напісала Гардзеева. Мінюст абвясціў журналістку «замежным агентам» у 2022 годзе.
Цяпер чытаюць
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»33
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць1010
Каментары