Асноўны ўдар прыйшоўся на Адэскую і Харкаўскую вобласці.
Расія ў ноч на суботу атакавала Украіну 31 ударным беспілотнікам тыпу Shahed-136/131, 23 з іх былі збітыя, заявілі Паветраныя сілы УСУ.
«Да адбіцця паветранага нападу былі прыцягнутыя падраздзяленні зенітных ракетных войскаў, мабільных агнявых груп Паветраных сіл і Сіл абароны Украіны, сродкі радыёэлектроннай барацьбы. У выніку баявой працы знішчаныя 23 «шахеды» ў межах Адэскай і Харкаўскай абласцей», — гаворыцца ў зводцы вайскоўцаў.
У ходзе ўдару па Харкаўскай вобласці загінулі сем чалавек.
У Адэскай вобласці, па словах спікера Сіл абароны поўдня Украіны Наталлі Гумянюк, было тры хвалі нападаў, у выніку якіх пацярпелі чатыры чалавекі.
Цяпер чытаюць
«На 15 хвілін выключылі святло — божа мой, з Украінай параўналі». Лукашэнка патлумачыў, колькі эканоміць на вулічным асвятленні8
Каментары