«Кіберпартызаны» ўзламалі звесткі расійскага прадпрыемства па вытворчасці дронаў — і перадалі ўкраінцам
Беларуская групоўка «Кіберпартызаны» атрымала доступ да сакрэтных звестак расійскага прадпрыемства «Спецыяльны тэхналагічны цэнтр», што спецыялізуецца на беспілотніках «Арлан».
«Пра большасць кібераперацый мы можам паведамляць толькі праз час. Цяпер можам расказаць, што атрымалі і перадалі ўкраінскаму боку даныя аднаго з крытычна важных прадпрыемстваў ваенна-прамысловага комплексу Расіі — ТАА «Спецыяльны тэхналагічны цэнтр» (СТЦ)», — паведамілі «Кіберпартызаны» ў сацсетках.
Яны зазначаюць, што выпампавалі частку ўнутраных перапісак, даныя супрацоўнікаў, размяшчэнні трэніровачных пляцовак і вайсковых часцей, некаторыя тэхнічныя звесткі і дакументацыю.
ТАА «СТЦ» выпускае беспілотнікі «Арлан», сродкі радыёэлектроннай барацьбы, разведкі і іншую ваенную прадукцыю РФ.
Хакеры апублікавалі даныя начальнікаў аддзелаў і некаторых супрацоўнікаў. «Няхай усе ведаюць саўдзельнікаў расійскіх захопнікаў у атаках па Украіне», — рэзюмуюць яны.
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2525
Каментары