«Kibierpartyzany» ŭzłamali źviestki rasijskaha pradpryjemstva pa vytvorčaści dronaŭ — i pieradali ŭkraincam
Biełaruskaja hrupoŭka «Kibierpartyzany» atrymała dostup da sakretnych źviestak rasijskaha pradpryjemstva «Śpiecyjalny technałahičny centr», što śpiecyjalizujecca na bieśpiłotnikach «Arłan».
«Pra bolšaść kibierapieracyj my možam paviedamlać tolki praz čas. Ciapier možam raskazać, što atrymali i pieradali ŭkrainskamu boku danyja adnaho z krytyčna važnych pradpryjemstvaŭ vajenna-pramysłovaha kompleksu Rasii — TAA «Śpiecyjalny technałahičny centr» (STC)», — paviedamili «Kibierpartyzany» ŭ sacsietkach.
Jany zaznačajuć, što vypampavali častku ŭnutranych pierapisak, danyja supracoŭnikaŭ, raźmiaščeńni trenirovačnych placovak i vajskovych čaściej, niekatoryja techničnyja źviestki i dakumientacyju.
TAA «STC» vypuskaje bieśpiłotniki «Arłan», srodki radyjoelektronnaj baraćby, raźviedki i inšuju vajennuju pradukcyju RF.
Chakiery apublikavali danyja načalnikaŭ adździełaŭ i niekatorych supracoŭnikaŭ. «Niachaj usie viedajuć saŭdzielnikaŭ rasijskich zachopnikaŭ u atakach pa Ukrainie», — reziumujuć jany.
Hałoŭny ideołah Biełarusi znajšoŭ u krainie «psieŭdapatryjatyčnyja jačejki» i zaklikaŭ da zmahańnia ź imi «adzinym bajavym kułakom»23
Kamientary