Рэктар Еўрапейскага гуманітарнага ўніверсітэта Кшыштаф Рыбіньскі паведаміў пра сваё рашэнне пакінуць сваю пасаду. Гэта, як вынікае з разасланага ім інфармацыйнага ліста, павінна адбыцца 29 лютага 2024 года.
Кшыштаф Рыбіньскі тлумачыць сваё рашэнне, якое «прыйшло пасля доўгіх разважанняў», «неабходнасцю засяродзіцца на надзённых праблемах са здароўем, як асабістых, так і ў маёй сям'і».
Кажучы пра свае дасягненні на пасадзе, ён адзначае, што пры ім палепшылася фінансавая база ўніверсітэта:
«Разам нам атрымалася забяспечыць значнае павелічэнне фінансавання, сабраўшы 4 мільёны еўра для мэтавага фонду, 2,5 млн еўра на бягучыя і новыя праекты і дадатковыя 0,5 млн еўра заявак, рашэнні па якіх чакаюцца вясной».
Таксама ён лічыць істотнай акрэдытацыю дзвюх новых праграм па гісторыі і эканоміцы, што «з'яўляецца сведчаннем нашых акадэмічных інавацый».
Рашэнне пайсці ў адстаўку было, паводле Рыбіньскага, «прынята з цяжкім сэрцам, але таксама з перакананнем, што гэта патрэбна ў інтарэсах майго здароўя і здароўя маёй сям'і». Пры гэтым ЕГУ «займае асаблівае месца ў маім сэрцы, і я з нецярпеннем чакаю яго далейшых поспехаў у будучыні».
Выдатны польскі эканаміст Кшыштаф Рыбіньскі быў рэктарам ЕГУ зусім нядоўга, яго абралі на гэту пасаду ўсяго год таму, у пачатку 2023 года. Перад тым ён узначальваў эканамічны ўніверсітэт у Казахстане, а таксама быў віцэ-прэзідэнтам Нацбанка Польшчы.
Чытайце таксама:
Рэктар ЕГУ пракаментаваў інфармацыю пра магчымае прызнанне ўніверсітэта «экстрэмісцкім»
-
Іван Прус расказаў, як нажыўся на 200 даляраў, пасяліўшы кіназорку ва ўбітай кватэры каля звалкі ў Шабанах, абстаўленай рэчамі з яго інтэрната
-
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»
-
Літоўскія памежнікі знайшлі на мяжы з Беларуссю партыю цыгарэт на 260 тысяч еўра
Цяпер чытаюць
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»3
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»
Вайб-праграмаванне зменіць ролю распрацоўшчыка, RLVR, і калі лопне бурбалка. Беларус-інжынер у галіне ШІ, які працуе ў ЗША, расказаў, што нас чакае ў 202633
Каментары