Капуста, запечаная ў духоўцы — просты і вельмі смачны гарнір, які гатуецца за лічаныя хвіліны. Да яго можна дадаць рыбу ці мяса, а можна падаць у якасці асноўнай стравы.
Фота: Vicky Wasik / seriouseats.com
Запяканне ў духоўцы і соус дадуць капусце лёгкае салодка-арэхавае адценне смаку. Часам капусту, прыгатаваную па гэтым рэцэпце, называюць «стэйкам» — не толькі з-за знешняга выгляду, але і таму, што ежа атрымліваецца сытнай і нават пахне як сапраўдны стэйк.
На 4 порцыі спатрэбіцца:
- 1 белакачанная капуста
- 80 мл аліўкавага алею
- 1 сталовая лыжка папрыкі
- 1 сталовая лыжка куміну
- 1 чайная лыжка шматкоў чырвонага перцу
- 2 чайныя лыжкі часночных шматкоў
- соль
- перац
- насенне кунжуту
- пятрушка
Для соусу:
- 4 сталовыя лыжкі тахіні
- 2 сталовыя лыжкі халоднай вады
- 1 чайная лыжка лімоннага соку
Як гатаваць:
- Разрэжце капусту напалам, а затым на 8 частак.
- У невялікую міску дадайце алей, папрыку, кумін і часночны парашок. Прыпраўце соллю і перцам.
- Выкладзіце лустачкі капусты на бляху, засланую паперай для выпечкі. Вышмаруйце абодва бакі кожнага кавалка капусты аліўкавым алеем.
- Запякайце ў духоўцы 40 хвілін пры тэмпературы 200°C. Праз 20 хвілін перавярніце капусту.
- Тым часам змяшайце тахіні, ваду і лімонны сок у сярэдняй місцы. Добра ўзбіце, каб атрымаць аднастайную кансістэнцыю.
- Калі соус занадта вадкі, дадайце яшчэ тахіні. Калі занадта густы, дадайце яшчэ крыху вады.
- Як толькі капуста запячэцца, паліце яе соусам, дадайце трохі кунжуту, а таксама пятрушкі ў якасці ўпрыгожвання і падавайце.
Цяпер чытаюць
«Пасля Новага года можам апынуцца на вуліцы». Наведаліся ў шэлтар, які дае дах над галавой палітвязням, вымушаным пакінуць Беларусь9
«Пасля Новага года можам апынуцца на вуліцы». Наведаліся ў шэлтар, які дае дах над галавой палітвязням, вымушаным пакінуць Беларусь
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7777
Каментары
нуда-нуда - казе-рог )