Ізраільцяне забілі трох баевікоў ХАМАС у шпіталі на палесцінскай тэрыторыі
Салдаты Арміі абароны Ізраіля праніклі ў шпіталь Ібн-Сіна ў горадзе Джэнін на Заходнім беразе ракі Іардан і сарвалі атаку, якая планавалася баевікамі ХАМАС. Пра гэта гаворыцца ў заяве ізраільскага войска — ЦАХАЛ.
Міністр нацыянальнай бяспекі Ізраіля Ітамар Бэн-Гвір апублікаваў у сваіх сацсетках відэа, на якім выяўлена, як ізраільскія вайскоўцы дзейнічаюць у шпіталі пад выглядам медыцынскага персаналу, арабскіх жанчын і пацыентаў. Гэтыя кадры, як удакладняе выданне The Times of Israel, першапачаткова з'явіліся ў палесцінскіх СМІ.
У выніку ізраільцянам удалося забіць трох баевікоў ХАМАС, якія знаходзіліся ў гэтым шпіталі. Адзін з забітых, як паведамляе ЦАХАЛ, — 27-гадовы Мухамад Джаламана, які быў на сувязі са штаб-кватэрай ХАМАС за мяжой і перадаваў тэрарыстам зброю. Вайскоўцы сцвярджаюць, што ён планаваў атаку «найбліжэйшым часам».
Яшчэ двое — браты Мухамад і Басэль Азаві. Першы ўдзельнічаў у нападах на ізраільскія сілы ў гэтым раёне, а другі быў чальцом тэрарыстычнай групоўкі «Ісламскі джыхад», гаворыцца ў заяве ЦАХАЛ.
Па даных палесцінскіх СМІ, якія цытуе The Times of Israel, уся аперацыя заняла не больш за дзесяць хвілін: каля 5:30 раніцы вайскоўцы ўвайшлі ў бальніцу, і, падняўшыся на трэці паверх, застрэлілі баевікоў са зброі з глушыцелямі.
ЦАХАЛ адзначыў, што баевікі ХАМАС рэгулярна хаваюцца ў шпіталях і выкарыстоўваюць іх у якасці базы для тэрарыстычнай дзейнасці.
Цяпер чытаюць
Латушка: У Пяткевіч трэсліся рукі, галава, яна тупала, крычала: «Вы насаджаеце нацыяналізм»33
Каментары
Тэрарэстычны акт на Западнам Беразе Іарадана якой практыкавалі раней масад і карацельныя аперацыі цахала .Мяркую гєта ні выпадкова бен гвіры спрабуюць зарваць перамовы аб вызваленні " закладнікау" і переміріі на гєты тэрмін