Праўладны канал заявіў, што сілавікі атрымалі доступ да спіса тых, хто данаціў «Байсолу». Стрыжак пракаментаваў
Праўладныя каналы сцвярджаюць, што сілавікі атрымалі доступ да спісаў людзей, якія данацілі ў фонд салідарнасці «Байсол». Кіраўнік фонду Андрэй Стрыжак распавёў «Медыязоне», што гэта не так.
Аўтары прапагандысцкага канала апублікавалі скрыншот табліцы, у якой ёсць запоўненыя слупы Account, User, Donation amount і Date.
«На скрыне — гэта нават не спіс, а толькі малая частка, якую мы на дадзены момант можам паказаць», — гаворыцца ў паведамленні.
«Ні такой табліцы, ні такіх звестак мы не вядзем. Сістэма выглядае зусім па-іншаму і знаходзіцца пад нашым поўным кантролем і ў бяспецы», — патлумачыў «Медыязоне» Андрэй Стрыжак.
22 студзеня на сайт «Байсола» адбылася моцная кібератака. Па словах Стрыжака, гэта была самая магутная і прафесійная атака за час існавання фонду.
Цяпер чытаюць
Дзе была зніклая Яна ў свой апошні дзень і дзе яе знайшлі КАРТА3
Каментары
Крамлёўскія лукашысты знішчаюць беларусаў.
Асабліва хутка найбольш актыўных і неабыякавых, але неразумеючых небяспеку.
Замежныя працаўнікі ЕСаўскіх кантор, напічканых кгбэшнай агентурай, правакуюць беларусаў на небяспечныя крокі.
Гэта працуе на карысць лукашэнак, бо яны хутка знішчаюць сваю небяспеку.
Трэба рыхтавацца да вайны і чакаць каліноўцаў з З.Пазьняком.