Паставіў «клас» у «Аднакласніках»: жыхара Баранавіч асудзілі за паклёп на Лукашэнку
Суд Баранавіцкага раёна і Баранавіч 15 снежня вынес прысуд 39-гадоваму станочніку мэблевай фабрыкі «Лагуна» Яўгену Пашукевічу.
Мужчыну абвінавацілі ў паклёпе на Лукашэнку паводле ч. 2 арт. 367 КК. Справу разглядала суддзя Іна Паўлоўская, піша «Вясна».
Калі казаць папросту, то Яўген паставіў адзнаку «клас» допісу, дзе быў намаляваны Лукашэнка. Пазней мужчына прадаў той планшэт на запчасткі. На думку суда, гэты допіс не адпавядае рэчаіснасці, істотна прыніжае гонар і годнасць асобы, а таксама дыскрэдытуе Лукашэнку ў вачах грамадскасці.
Суд прызначыў Пашукевічу пакаранне ў выглядзе абмежавання волі без накіравання яго ў папраўчую ўстанову адкрытага тыпу тэрмінам на 4 гады (хатняя хімія).
Каментары