Хапун у Баранавічах: затрыманыя не менш за 8 чалавек. Аднаго з іх змусілі ў слязах званіць дзяўчыне
Іх вінавацяць ва ўдзеле ў пратэстах у 2020 годзе.
Адзін з затрыманых — 37-гадовы Дзмітрый Міхальцэвіч. У тэматычных групах напісана, што ён адзін з тых, хто стаяў ля вытокаў развіцця брэйк-дансу ў горадзе, быў удзельнікам каманд F.S.C., B-BAXSTER, «Ваўкі». Таксама ён перамагаў у чэмпіянаце Беларусі па брэйк-дансе «Голас вуліцаў». Цяпер ён трэніруе дзяцей і дарослых танчыць брэйк-данс.
Сярод затрыманых таксама 25-гадовы Дзмітрый Філіповіч, 32-гадовы Мікалай Лосік (на фота вышэй), 31-гадовы Арцём Дзёгцеў і, па звестках «Медыязоны», Іван Дрык, якому мусіць быць каля 20 гадоў. Мяркуючы па іх актыўнасці ў сацсетках, губазікаўцы ладзілі хапун каля тыдня таму.
Таксама паказалі траіх іншых затрыманых, сярод якіх ёсць зусім маладыя людзі. Усіх васьмярых вінавацяць ва ўдзеле ў пратэстах у 2020 годзе. Імаверна, вылічылі іх па відэазапісах з пратэстаў, якія дэманструюцца ў кадры.
Аднаго з затрыманых змушаюць у слязах званіць сваёй дзяўчыне і справаздачыцца пра затрыманне.
Імаверна, цяпер ім пагражае крымінальная справа па «народным» 342 артыкуле КК РБ. Санкцыя артыкула прадугледжвае да трох гадоў пазбаўлення волі.
«Наша Нiва» — бастыён беларушчыны
ПАДТРЫМАЦЬЦяпер чытаюць
Мужу вядомай беларускай адвакаткі далі ў Расіі 9 гадоў калоніі за хабары. А іх сумесную кватэру ў Выбаргу цішком прадалі6
Мужу вядомай беларускай адвакаткі далі ў Расіі 9 гадоў калоніі за хабары. А іх сумесную кватэру ў Выбаргу цішком прадалі
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»1010
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»10
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра2828
Каментары