Расійскія вэбкам-мадэлі выдаюць сябе за беларусак і ўкраінак, каб пазбягаць хэйту з-за вайны
Выданне Deutsche Welle пагутарыла з расійскімі дзяўчатамі і хлопцамі, якія зарабляюць на сэрвісах эратычных вэб-трансляцый і сутыкнуліся з негатывам з-за сваёй нацыянальнасці. Тыя распавялі пра свае сённяшнія заробкі і пра тое, як пазбягаюць хэйту падчас вайны.
Некаторыя расійскія вэбкам-мадэлі на ўмовах ананімнасці пагадзіліся расказаць выданню Deutsche Welle пра сваю працу на фоне вайны ва Украіне і негатыўнага стаўлення да грамадзян Расіі.
Па словах мадэляў, ва ўмовах санкцый праца ў вэбкам-індустрыі прыносіць заробак вышэйшы за сярэдні па краіне. Цяпер сярэдні расійскі заробак афіцыйна складае 745 еўра, тым часам даход ад эратычных трансляцый, паводле некаторых прапаноў ад сэрвісаў і студый, складае мінімум 1000—1200 еўра за месяц.
«Новая вэбкам-мадэль можа зарабіць каля 20 еўра ў першы дзень працы, да 75 еўра з базавым веданнем англійскай мовы, а для тых, хто валодае прыгожай знешнасцю і якаснай відэатэхнікай з сэкс-цацкамі, заробак можа скласці да 200 еўра за дзень», — піша Deutsche Welle са спасылкай на расійскіх вэбкам-мадэляў.
Пры гэтым з-за вайны ва Украіне і масавай эміграцыі расіян у іншыя краіны, частка з якіх не знаходзіць там сабе працу і ў тым ліку ідзе ў вэбкам, канкурэнцыя ў індустрыі значна вырасла, а выпадкі з праявамі нянавісці да расійскіх мадэляў сталі здарацца часцей.
Так, вэбкам-мадэлі Анжаліка і Кацярына (імёны змененыя) распавялі, што пасля пачатку вайны былі вымушаныя шукаць новыя платформы для працы з-за блакіроўкі папулярнага брытанскага сэрвісу OnlyFans. Таксама мадэлі сутыкнуліся з абразамі па нацыянальнай прыкмеце, а пад іх профілямі ладзіліся палітычныя спрэчкі, што адпужвала кліентаў і зніжала ўзровень даходу.
«Каб пазбегнуць хэйту, мадэлі часта сцвярджалі, што вядуць трансляцыю з Беларусі ці Украіны. Пры гэтым былі тыя, хто ў першыя месяцы вайны наўмысна выстаўляў сябе за ўкраінак, каб атрымаць больш грошай на хвалі папулярнасці і жалю, але такія акаўнты сэрвісы потым хутка сталі блакаваць», — паведамілі расійскія вэбкам-мадэлі выданню Deutsche Welle.
Яшчэ адна вэбкам-мадэль, расіянін Алег (імя таксама зменена), адзначыў, што цяпер негатыўнага стаўлення да грамадзян Расіі ў індустрыі трохі паменшала, бо людзі сталі разумець розніцу паміж расійскім кіраўніцтвам і звычайнымі людзьмі.
Deutsche Welle са спасылкай на экспертаў дадае, што сёння індустрыя эратычных трансляцый у Расіі законам не забаронена, але мадэляў і арганізатараў сэрвісаў і студый могуць пераследаваць за распаўсюджванне парнаграфічных матэрыялаў або, калі кантэнт тычыцца аднаполых адносін, за прапаганду ЛГБТ.
Tinder Matchmaker зробіць спатканні камандным відам спорту
Жонка Камісаранкі: Шмат гадоў таму падзарабляла вэбкам-мадэллю, але даравала сабе гэту памылку
З басейна — у 200-хвілінны порнафільм. Як спартсменкі зарабляюць у ХХХ-індустрыі
«Мы сядзелі голыя, а ён завёў размову пра Вялікае Княства Літоўскае». Беларусы расказалі, як знаёміліся ў тындары з палякамі і полькамі
Цяпер чытаюць
Міністр сувязі: Абмежаванні мабільнага інтэрнэту закрануць 1,7 мільёна беларусаў9
Каментары