Cтрашнае ДТЗ ля Смалявічаў: у аварыі загінула маленькая дзяўчынка
Няшчасце здарылася ў пятніцу ў дождж.
Фота: ДАІ / Mlyn.by
Сям'я — мама, тата і трохгадовая дзяўчынка — ехалі на электрамабілі «Фальксваген» у напрамку вёскі Аколіца. За рулём быў бацька, піша «Мінская праўда».
На закругленні дарогі мужчына няправільна выбраў хуткасць і не ўлічыў умоў надвор'я. Аўтамабіль занесла, ён заехаў на штучнае ўзвышша, пасля чаго перакуліўся.
Усе трое былі дастаўлены ў бальніцу. Бацькі атрымалі цялесныя пашкоджанні, але яны жывыя і адносна здаровыя.
Дактары да апошняга змагаліся за жыццё дзіцяці, але малая ў бальніцы памерла.
Па непацверджаных звестках, дзяўчынка знаходзілася ў дзіцячым крэсле, якое па ўсіх правілах было ўстаноўлена ў аўтамабілі, аднак прышпіленая рамянямі бяспекі яна не была.
Каментары