Ізраіль публікуе гутарку, як сцвярджаецца, паміж баевікамі ХАМАС. Тыя абмяркоўваюць запуск ракеты па бальніцы ў сектары Газа
Міністэрства замежных спраў Ізраіля апублікавала, як сцвярджае, перахопленую размову паміж двума баевікамі ХАМАС, у якой яны абмяркоўваюць, што бальніца «Аль-Ахлі» ў Газе была атакаваная ракетай, выпушчанай з сектара Газа.
Hamas terrorists in their own voices:
Listen to the conversation between Hamas operatives as they discuss the failed Islamic Jihad rocket launch on the Al-Ahli Baptist Hospital on October 17, 2023 pic.twitter.com/PUUuqE2Imu
— Гэта першы выпадак, калі мы бачым такое падзенне ракеты.
— Кажуць, што яна належыць палесцінскаму «Ісламскаму джыхаду». Яны гавораць, што аскепкі ад мясцовай ракеты, а не ад ізраільскай. <…>
— Яны стралялі па цэментным заводзе за бальніцай «Аль-Маамадані». Снарад даў асечку і ўпаў, — кажуць суразмоўцы.
17 кастрычніка ў 19:19 у палесцінскіх СМІ з'явіліся першыя паведамленні аб выбуху ў бальніцы «Аль-Ахлі» ў цэнтральнай частцы сектара Газа. Пазней высветлілася, што ў бальніцу ў Газе патрапіла ракета. Палесцінцы заявілі пра больш чым 800 загінулых. Бакі вінавацяць адзін аднаго.
Цяпер чытаюць
Гістарычныя +40,4°C у Пінску — гэта толькі разагрэў. Беларусь уваходзіць у новую кліматычную эру і на вачах стане лесастэпам5
Каментары