Расія актыўна працуе з прамысловасцю Беларусі, каб нарасціць вытворчасць снарадаў — ГУР
Расія выкарыстоўвае Беларусь для нарошчвання вытворчасці боепрыпасаў. Пра гэта прадстаўнік ГУР, генерал-маёр Вадзім Скібіцкі заявіў у інтэрвʼю «Украінскай праўдзе».
«Расія спрабуе аднавіць вытворчасць і выйсці на той даваенны ўзровень, які быў (і нават перасягнуць яго).
Планы РФ па вытворчасці на 2024 год — каля 2,1 млн боепрыпасаў. Для таго каб аднавіць вытворчасць і нарошчваць яе, яны актыўна працуюць з прамысловасцю Беларусі», — сказаў ён.
Па словах Скібіцкага, да пачатку лета 2023 года расійскае войска выкарыстоўвала пераважна тыя боепрыпасы, якія захоўвала ў сябе на складах (яны былі вырабленыя больш за 30 гадоў таму, і толькі палова з іх, па даных ГУР, мела нармальны стан).
З пачатку кастрычніка, як дадае прадстаўнік украінскай разведкі, расійскія войскі штодзень выкарыстоўваюць на полі бою каля 15 тысяч боепрыпасаў.
У сярэдзіне верасня выданне NYT паведаміла, што з канца 2022 года расійская ваенна-прамысловая вытворчасць зноў пачала набіраць абароты, і зараз Расія вырабляе больш боепрыпасаў, чым Злучаныя Штаты і Еўропа.
За паўтара года поўнамаштабнай вайны супраць Украіны Расія, па даных Forbes, ужо выдаткавала больш за 167 млрд даляраў.
«У сына на тэлефоне былі налепленыя сцяг і герб Расіі. З гэтага ўсё пачалося». Бацька школьніка з Баранавіч расказаў, як яго сына цкавалі аднакласнікі40
Каментары