Грамадства88

У бабруйскай калоніі пагаршаюць умовы ўтрымання вязняў

Пра тое, што ў бабруйскай калоніі № 2 дадаткова ўскладняюць умовы для ўтрымання вязняў, даведаўся тэлеграм-канал Mayday.team.

Фота: komkur.info

Паводле інфармацыі канала, у Бабруйску перасталі прымаць рэчавыя перадачы з вопраткай для зняволеных.

З пачатку мінулага тыдня ў гэтай калоніі робу, целагрэйкі і абутак больш няможна заказваць у атэлье ці купляць у спецыялізаваных крамах. Асуджаныя абавязаны насіць толькі тое, што ім выдаюць у калоніі, прытым аплачваць гэтую вопратку.

Сваякі асуджаных сутыкнуліся з масавай адмовай у прыёме такога адзення напярэдадні зімовага сезону, нават нягледзячы на тое, што ў некаторых выпадках заявы на перадачы былі ўзгодненыя і падпісаныя начальствам, а самі прадметы замоўленыя і аплачаныя. Афіцыйна адміністрацыя ніякіх тлумачэнняў не дае, ніякіх афіцыйных аб'яў таксама не было.

Цяпер сваякі вязняў спрабуюць перадаць ім хоць бы тэрмабялізну. 

Мала гэтага, з 1 кастрычніка колькасць тэлефонных званкоў, якія асуджаныя могуць рабіць дадому, скароціцца да трох на месяц. Калі цяпер вязні тэлефануюць сваякам раз на тыдзень, то з наступнага месяца перыядычнасць будзе толькі адзін раз на дзесяць дзён.

Працягласць размовы застанецца ранейшай — 15 хвілін. Аднак будуць уведзеныя новыя правілы: калі цяпер асуджаныя могуць патэлефанаваць двум-тром абанентам па чарзе (напрыклад, бацькам і жонцы), то ў будучыні можна будзе набраць толькі адзін нумар, за чым жорстка стануць сачыць кантралёры калоніі.

Правілы адбыцця пакарання ў Бабруйскай ПК-2 сталі ўзмацняцца з пачатку верасня пасля таго, як быў прызначаны новы начальнік аператыўна-рэжымнага аддзела ўстановы.

Перастаноўкі ў кіраўніцтве калоніі сталі вынікам праверкі, праведзенай праз самагубства асуджанага ў сярэдзіне ліпеня.

Каментары8

  • Беспредел
    26.09.2023
    [Рэд. выдалена]
  • Gorliwy Litwin
    26.09.2023
    і што, новы начальнік такім чынам хоча зменшыць колькасць самагубстваў? А што калі будзе наадварот?
  • Вар'ят-садыст-ідыёлух
    26.09.2023
    Лукашысты лічаць, што бяз верхняй вопраткі і званкоў дадому самагубстваў за кратамі стане менш?

Цяпер чытаюць

Беларуска расказвае, як з 15 гадоў жыве з шызафрэніяй13

Беларуска расказвае, як з 15 гадоў жыве з шызафрэніяй

Усе навіны →
Усе навіны

Анколаг Каранік выступіў з дакладам аб захаванні буйной рагатай жывёлы14

Маладую мінскую юрыстку, якая цяпер займаецца дызайнам інтэр'ераў, асудзілі за ўдзел у пратэстах6

Таўро «Слава Расіі» на жываце ўкраінскага палоннага. Хто і навошта мог гэта зрабіць і ці можна яго вывесці?2

Учора вечарам і сёння раніцай у Беларусі назіраліся серабрыстыя аблокі1

На заробкі ў Польшчу цяпер толькі з ДНЖ? Разабраліся, хто можа працаўладкавацца там па новых правілах14

З-пад завалаў шматпавярховіка ў Кіеве ноччу дасталі яшчэ пяць целаў, колькасць загінулых дасягнула 21

У Беларусі пачынаюць прадаваць электракары за 20 900 рублёў. Але выглядаюць яны вельмі незвычайна2

Келаг плануе паездку ў Беларусь і сустрэчу з Лукашэнкам. Пры гэтым можа быць вызваленая група палітвязняў37

Вярхоўны лідар Ірана Хаменеі заклікаў да рашучых дзеянняў у дачыненні да Ізраіля

больш чытаных навін
больш лайканых навін

Беларуска расказвае, як з 15 гадоў жыве з шызафрэніяй13

Беларуска расказвае, як з 15 гадоў жыве з шызафрэніяй

Галоўнае
Усе навіны →

Заўвага:

 

 

 

 

Закрыць Паведаміць