Міністэрства замежных спраў выдала паведамленне аб удзеле дэлегацыі ад Рэспублікі Беларусь у 78-й сесіі Генеральнай Асамблеі ААН. Яе ўзначаліць міністр замежных спраў Сяргей Алейнік.
78-я сесія Генеральнай Асамблеі ААН пройдзе з 19 па 24 верасня. Звычайна на яе запрашаюцца кіраўнікі ўсіх дзяржаў, і многія нават самыя адыёзныя палітыкі часта выкарыстоўваюць гэтую трыбуну, каб асабіста расказаць, куды яны вядуць свае краіны. Але Лукашэнка ў цяперашняй сітуацыі ездзіць на Захад не рызыкуе, як і Уладзімір Пуцін. Расію на форуме будзе таксама прадстаўляць міністр замежных спраў Сяргей Лаўроў.
Дэлегацыя ад Лукашэнкі, як анансуецца, збіраецца сваю ўвагу «засяродзіць на задачах па прасоўванні кансалідуючага і стваральнага парадку дня, які падкрэслівае мірны характар нашых нацыянальных прыярытэтаў, супрацьдзеянні ініцыятывам, накіраваным на падрыў нацыянальных інтарэсаў нашай краіны».
Таксама ў ААН Алейнік будзе гаварыць пра «аднабаковыя прымусовыя меры, у прыватнасці, іх негатыўны ўплыў на ўстойлівае развіццё асобных краін, цэлых рэгіёнаў, сусветную эканоміку і гандаль, іх супярэчнасць міжнароднаму праву».
Выступленне Алейніка з трыбуны ААН чакаецца 23 верасня.
17—23 верасня Нью-Ёрк збіраецца наведаць і Святлана Ціханоўская, у праграме візіту якой таксама запланаваны ўдзел у падзеях Генасамблеі ААН. Ціханоўская збіраецца сярод іншага сустрэцца з шэрагам уплывовых палітыкаў.
Каментары
У него один маршрут: "Питер--Москва-Сочи".
Да и нечего необразованному мракобесу делать среди цивилизованных, нормальных людей.