На мысе Фіялент у акупаваным Севастопалі прагучалі выбухі, там вайсковая часць
Крымскія тэлеграм-каналы паведамілі пра выбухі ў нядзелю ўвечары ў раёне мыса Фіялент у акупаваным Севастопалі. Ва ўкраінскай выведцы кажуць пра сумесную аперацыю ГУР і ВМС, піша «Украінская праўда».
Прарасійскі тэлеграм-канал «НЗ Севастопаль» паведаміў, што ў раёне Фіялента чулі выбухі. У сваю чаргу, канал «Крымскі вецер» паведаміў, што выбух адбыўся ў раёне часці радыётэхнічнай разведкі або часці СПА — яны размешчаныя побач.
Паведамляецца таксама, што ў Севастопалі машыны хуткай дапамогі з уключанымі сірэнамі памчаліся ў бок Фіялента. Рух аўтатранспарту па Крымскім мосце часова перакрыты.
Пазней расійскае Міністэрства абароны заявіла, што ў 20:30 сродкі СПА акупантаў збілі два ўкраінскія беспілотнікі над паўднёва-заходняй часткай Крыма.
Крыніцы выдання «Суспільне» ў разведцы паведамілі, што выбухі ў Севастопалі — гэта сумесная спецаперацыя Галоўнага ўпраўлення разведкі і ВМС. «Выбухі пачаліся прыкладна ў 20:15. Было тры гучныя выбухі і некалькі ціхіх. Знаёмы напісаў, што выбухі былі на поўдні горада з боку мыса Фіялент», — сказаў мясцовы жыхар.
На мысе Фіялент, дзе, верагодна, чуліся выбухі, базуецца 26-ы марскі радыётэхнічны атрад. Акрамя таго, там размешчана радыётэхнічная станцыя з 12 радыёлакацыйнымі антэнамі.
Цяпер чытаюць
Статкевіч: Калі зноў пачнуцца масавыя пратэсты, яны ўжо не будуць такімі мірнымі, як у 2020‑м. А ЕС правільна перастаў верыць казкам Лукашэнкі19
Статкевіч: Калі зноў пачнуцца масавыя пратэсты, яны ўжо не будуць такімі мірнымі, як у 2020‑м. А ЕС правільна перастаў верыць казкам Лукашэнкі
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?11
Каментары