Авіякампанія «Белавія» чарговы раз абвясціла пра зніжкі на квіткі. Праўда, ашчадзіць гэтым разам можна толькі на палётах у адзін горад.
Як паведамілі ў прэс-службе авіякампаніі, на рэйсы з Мінска ў Дэлі і назад прапануюць зніжку 30% па промакодзе FLYTODELHI30. Скарыстацца промакодам можна ўжо цяпер. Ён будзе дзейнічаць па 24 жніўня ўключна і толькі на сайце belavia.by.
«Промакод распаўсюджваецца на прамыя рэйсы з Мінска ў Дэлі і назад, а зніжка прымяняецца да тарыфных брэндаў SMART і FLEX, але не распаўсюджваецца на таксы і зборы. На квіткі, набытыя са зніжкай, распаўсюджваюцца правілы абранага тарыфу», — расказалі ў «Белавія».
Квіткі па зніжанай цане можна купіць для падарожжаў, якія выпадуць на даты з 25 жніўня па 9 верасня. На гэты момант без зніжкі на сайце можна знайсці квіткі ад 959,5 рубля на прамы рэйс Мінск — Дэлі.
Цяпер чытаюць
Азаронак напісаў пра палітэмігранта — пасля гэтага брата і бацьку таго кінулі за краты2
Каментары