Авіякампанія «Белавія» прадала самалёт Boeing 737-500 EW-290pa. Ён абышоўся пакупніку амаль у 6 млн рублёў, або ў 1,9 млн даляраў, паведамляецца на сайце гандлёвай пляцоўкі «ИПМ-Торги».
Самалёт купілі за суму, на 2% даражэйшую за пачатковую цану ў 5,7 млн рублёў. У склад лота, акрамя уласна самалёта, увайшлі таксама два рухавікі і дапаможная сілавая ўстаноўка.
У аўкцыёне ўдзельнічаў адзін купец, ён самалёт і набыў. Хто менавіта гэта быў, не паведамляецца. Працаздольнасць рухавіка, вузлоў і агрэгатаў у самалёце пры выстаўленні на таргі не правяралася.
У лістападзе 2021 года «Белавія» ўжо прадала Boeing 737-500 EW-250pa амаль за 3,1 млн рублёў.
Паводле даных на 15 жніўня гэтага года, парк авіякампаніі складае 14 самалётаў, уключаючы прададзены Boeing 737-500. Такім чынам, цяпер у нацыянальнага перавозчыка засталося 13 самалётаў.
Да ўвядзення санкцый праз прымусовую пасадку самалёта RyanAir у траўні 2021 года ў Мінску паветраны флот «Белавія» налічваў 29 самалётаў.
Цяпер чытаюць
Затрымалі аднаго з удзельнікаў ювелірнага брэнда Belaruskicry Ягора Бужылава. Прапагандысты паказалі яго4
Каментары