Калегія суддзяў Вышэйшага антыкарупцыйнага суда Украіны задаволіла пазоў Міністэрства юстыцыі Украіны да Міністэрства абароны Беларусі аб канфіскацыі авіярухавіка і сістэмы электрычнага авіяцыйнага пуску, якія знайшлі ў часе ператрусаў у рамках справы супраць кіраўніка акцыянернага таварыства «Мотор Січ» Вячаслава Багуслаева. Гэтыя авіязапчасткі былі на рамонце ў кампаніі «Мотор Січ» (Запарожжа), паведамляе «Радыё Свабода».
Вячаслаў Багуслаеў знаходзіцца пад вартай з кастрычніка 2022 года з-за падазрэння ў калабарацыйнай дзейнасці і дапамозе агрэсіі Расіі.
У часе вобшуку аднаго з прадпрыемстваў кампаніі «Мотор Січ» знайшлі сем авіяцыйных рухавікоў. На адным з іх (мадэль АІ-25 ТЛ) былі адбіткі пячаткі «Вайсковая часць 19764». Такая вайсковая часць дыслакуецца ў Лідзе.
Усе рухавікі разам з паветраным стартарам знаходзіліся на рамонце ва Украіне, які рабіўся паводле кантракта аб аказанні паслуг (выкананні работ) па капітальным рамонце авіяцыйнага рухавіка АІ-25ТЛ, падпісаным паміж ПАТ «Мотор Січ» і Міністэрствам абароны Беларусі ў асобе намесніка начальніка штаба ўзбраення.
Паводле следства, гэтыя рухавікі нібыта даставілі ва Украіну ў 2020—2021 гадах.
Перамяшчэнне іх на рамонт ва Украіну рабілі праз кампанію PM Technics (FZE), зарэгістраваную ў Аб’яднаных Арабскіх Эміратах, а ёй, у сваю чаргу, рухавікі перадавала расійскае ТАА «Авіякампанія Волга-Днепр».
Міністэрства юстыцыі Украіны звярнулася ў суд, кіруючыся нормай закона аб санкцыях, якая прадугледжвае такі від санкцый як спагнанне ў даход дзяржавы актываў, што належаць фізічнай або юрыдычнай асобе.
Згодна з украінскім заканадаўствам, Міністэрства абароны Беларусі можа звярнуцца з апеляцыйнай скаргай на гэта рашэнне цягам пяці дзён з моманту ягонага абвяшчэння.
Мінюст Украіны падаў іск на прымяненне санкцый супраць Мінабароны Беларусі
Арыштаваны былы кіраўнік прадпрыемства «Матор Січ» папрасіў абмяняць яго ў Расію
«Народ жа чакаў вызваліцеляў, а прыйшлі, б…, акупанты». Ва Украіне апублікавалі запісы размоў мільярдэра-калабаранта Вячаслава Багуслаева
СБУ адшукала актывы прэзідэнта «Матор Січ» Вячаслава Багуслаева на мільёны даляраў
Цяпер чытаюць
Стала вядома імя яшчэ аднаго палкоўніка ДФР, арыштаванага КДБ. Ён расказваў сукамернікам, як яго катавалі9
Каментары
Портянки не моют!
Их донашивают до скрипучего состояния, а потом отдают на табачную фабрику, где из них делают современные белорусские цыгарэты с ароматизатором.