У дэпутаты Смаленскай абласной думы ад «Адзінай Расіі» балатуецца Аляксандр Зяленскі. Падчас сустрэчы з выбаршчыкамі аднаго з прысутных абурыла прозвішча кандыдата.
Аляксандр Зяленскі. Фота: er.ru
Незадаволены дзядуля заявіў, што такое супадзенне «абразлівае для ўдзельнікаў СВА і патрыётаў» і што Зяленскага трэба зняць з выбараў. Або ён мусіць змяніць прозвішча.
Сам Аляксандр Зяленскі адказаў, што не нясе адказнасці за сваіх аднафамільцаў. Таксама ён не мае намеру мяняць прозвішча і здымацца з выбараў.
Таксама спікер аблдумы Ігар Ляхаў заклікаў «не пераследаваць людзей па прозвішчы», пасля чаго пенсіянер пакінуў залу.
«Яго (Аляксандра Зяленскага) радавод вядзе да кубанскіх казакаў, за сваіх цёзак смалянін адказнасці несці не можа. Акрамя таго, ён падкрэслівае, што ў ягоным родзе здраднікаў ніколі не было, і адмаўляцца ад свайго прозвішча кандыдат не мае намеру, — удакладнілі ў аддзяленні партыі.
Каментары