Жыхарцы Наваполацка прысудзілі два гады за каментары пра сілавікоў
30 мая суддзя Наваполацкага суда Сняжана Калінічэнка вынесла прысуд мясцовай жыхарцы Кацярыне Леў. Яе вінавацілі ў абразе прадстаўнікоў улады паводле арт. 369 Крымінальнага кодэкса. Суд пакараў жанчыну пазбаўленнем волі тэрмінам на два гады і штрафам 3700 рублёў, паведамляе «Віцебская вясна».
У судовым працэсе абражанымі прадстаўнікамі ўлады выступілі намеснік начальніка УУС Мінскага аблвыканкама Віталь Казлоў, кіраўнік адміністрацыі Ленінскага раёна Мінска Раман Мельнік, а таксама першы намеснік начальніка ГУУС Мінгарвыканкама Ігар Падвойскі.
Усе гэтыя сілавікі трапілі ў скандал, калі ў лютым 2022 года «Кіберпартызаны» апублікавалі зліў іх размовы з верасня 2020 года. Тэлефонная гутарка Падвойскага, Мельніка і Казлова стала доказам таго, што міліцыя падказвае суддзям, якія прысуды выносіць удзельнікам мірных пратэстаў.
Пасля апублікавання роліка з запісам у тэлеграм-канале «Кіберзлівы», пад ім пакінула водгукі больш за два дзясяткі чалавек, сярод якіх аказалася і асуджаная Кацярына Леў.
У чаканні суда Кацярына правяла чатыры месяцы ў віцебскім ізалятары.
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»29
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары