Вядомы гісторык Цімаці Снайдэр стане голасам Бяляцкага ў арт-інсталяцыі ў Осла
Падчас найбуйнейшага форуму па правах чалавека ў свеце OSLO Freedom Forum 2023 прагучыць арт-інсталяцыя Андрэя Курэйчыка «Галасы новай Беларусі».
У ёй будуць прадстаўленыя 16 маналогаў беларускіх палітвязняў, у тым ліку Марыі Калеснікавай (асуджаная на 11 гадоў), Алеся Бяляцкага (10 гадоў), Мікалая Статкевіча (14 гадоў), Марыны Золатавай (12 гадоў) і Ігара Лосіка (15 гадоў).
Іх маналогі агучылі амерыканскія акцёры і вядомыя выкладчыкі Ейльскага ўніверсітэта, у тым ліку вядомыя амерыканскія гісторыкі Цімаці Снайдэр і Марсі Шор, філосаф Джэйсан Стэнлі, рэжысёр Юры Кардонскі ды іншыя.
Пра гэта «Свабодзе» паведаміў драматург, грамадскі дзеяч, лектар Ейльскага ўніверсітэта Андрэй Курэйчык. Паводле яго, гісторык Тымаці Снайдэр стане голасам Бяляцкага ў арт-інсталяцыі. «Часам праўда не патрабуе нічога, акрамя таго, каб яе выказалі даслоўна», — кажа Курэйчык.
Арт-інсталяцыю прадэманструюць 15 чэрвеня на форуме ў Осла.
Выставу «Галасы новай Беларусі» ў перакладзе Джона Фрыдмана прадстаўляе Праваабарончы фонд (HRF) «Мастацтва ў пратэсце». Як гаворыцца ў апісанні, выстава звяртае ўвагу на барацьбу беларускага народу супраць «жорсткага дэспата, які, не скаваны ніякімі маральнымі абмежаваннямі, бязлітасна наступае на іншадумцаў».
-
Мішусцін: Цана газу для стран ЕАЭС не перавышае 200 даляраў за 1000 кубаметраў
-
Ціханоўскі лайкнуў камент «У Вольнай Беларусі Ціханоўская будзе сядзець за свае злачынствы»
-
Памятаеце вар’яцкую гонку ў Брэсце, падчас якой загінула трое? На ВІДЭА з экшн-камеры матацыкліста відаць, што ён разагнаўся да 186 км/г
Цяпер чытаюць
Памятаеце вар’яцкую гонку ў Брэсце, падчас якой загінула трое? На ВІДЭА з экшн-камеры матацыкліста відаць, што ён разагнаўся да 186 км/г4
Каментары