Выпадак адбыўся ў чацвер у штаце Каларада.
Прэзідэнт ЗША Джо Байдэн паваліўся на сцэне падчас цырымоніі ўручэння дыпломаў у Акадэміі ваенна-паветраных сіл у штаце Каларада, піша AP.
Байдэн вітаў выпускнікоў у Каларада-Спрынгс, штат Каларада, і паваліўся, вяртаючыся са сцэны на сваё месца. Яму дапамог падняцца афіцэр ваенна-паветраных сіл, а таксама двое супрацоўнікаў Сакрэтнай службы ЗША.
Гледачы, у тым ліку некаторыя члены афіцыйнай дэлегацыі на сцэне, трывожна назіралі, як Байдэн, які ў свае 80 гадоў ёсць самым старым прэзідэнтам у гісторыі ЗША, вярнуўся на сваё месца, каб убачыць заканчэнне цырымоніі.
«Мяне закідалі мяшкамі з пяском», — з усмешкай сказаў прэзідэнт журналістам, калі вярнуўся ў Белы дом у чацвер вечарам.
Два маленькія чорныя мяшкі з пяском ляжалі на сцэне, падтрымліваючы тэлесуфлёр, якім карыстаўся Байдэн і іншыя выступоўцы на цырымоніі ўручэння дыпломаў.
«З ім усё ў парадку», — напісаў пасля інцыдэнту прадстаўнік Белага дома Бэн Лаболт у сваім твітары.
Цяпер чытаюць
Хрыста Грозеў: Мельнікава як мінімум год, а хутчэй за ўсё, паўтара перадавала інфармацыю беларускім спецслужбам36
Каментары