Чарговая начная атака на Кіеў. Паветраная трывога доўжылася амаль тры гадзіны
У адрозненне ад папярэдніх нападаў, калі Расія выкарыстоўвала розныя віды ўзбраенняў, у ноч на 30 мая атаку ажыццяўлялі выключна боепрыпасамі «Шахед».
Напад быў масіраваным, ажыццяўляўся па розных напрамках, у некалькі хваляў. Паветраная трывога доўжылася амаль тры гадзіны, піша Бі-бі-сі.
Паводле папярэдніх звестак, сродкамі СПА ў паветранай прасторы Кіева было знішчана больш за 20 беспілотнікаў.
У выніку падзення абломкаў ёсць ахвяры і разбурэнні ў розных раёнах Кіева.
У Галасееўскім праз падзенне абломкаў на шматпавярховы жылы дом распачалося ўзгаранне на апошніх двух паверхах. Эвакуявалі больш за 20 жыхароў. Паводле папярэдняй інфармацыі, адзін чалавек загінуў, трое атрымалі траўмы. Верагодна, разбураныя перакрыцці паміж паверхамі, працягваецца пошук людзей пад магчымымі заваламі.
У Пячэрскім раёне абломкамі пашкодзіла аўтамабілі.
У Дарніцкім раёне ў выніку падзення абломкаў загарэўся прыватны дом. Таксама пашкоджаныя прыпаркаваныя аўтамабілі.
У Дняпроўскім раёне абломкі ўпалі на зялёную зону.
У Падольскім — на нежылую забудову.
У Святошынскім раёне абломкі ўпалі на тэрыторыю аднаго з прадпрыемстваў.
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»29
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары