Кіраўнік Кіеўскай гарадской ваеннай адміністрацыі Сяргей Папко паведаміў, што атака дронаў на горад у ноч на 28 мая стала самай масіраванай з пачатку расійскага ўварвання.
«14-я паветраная атака на сталіцу з пачатку мая! Сёння вораг вырашыў павіншаваць кіеўцаў з Днём Кіева з дапамогай сваіх смяротных БПЛА. Папярэдне, гэта была самая масіраваная з пачатку поўнамаштабнага ўварвання атака дронамі на сталіцу, а дакладней — дронамі-камікадзэ Shahed», — гаворыцца ў заяве Папко.
Напад адбываўся некалькімі хвалямі, а паветраная трывога доўжылася больш за пяць гадзін.
Паводле папярэдніх звестак адміністрацыі, сродкі ўкраінскай СПА збілі больш за 40 беспілотнікаў. У выніку падзення абломкаў ёсць ахвяры і разбурэнні. Так, у Галасееўскім раёне загінуў адзін чалавек, там абломкі патрапілі ў сяміпавярховы нежылы будынак.
Такая маштабная атака была прымеркаваная да Дня Кіева, які ўкраінская сталіца традыцыйна адзначае ў апошнюю нядзелю мая.
Цяпер чытаюць
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы74
Каментары