У Дзярждуме пацвердзілі інфармацыю аб праблемах са здароўем у Лукашэнкі
Першы намеснік кіраўніка Камітэта расійскай Дзярждумы па справах СНД Канстанцін Затулін сказаў «Подъёму», што яму вядома, на што хварэе Лукашэнка, але дыягназ не назваў.
Лукашэнка 9 мая ў Мінску. Замест яго выступае міністр абароны Віктар Хрэнін. Скрын відэа
«Там нічога такога незвычайнага няма, гэта не кавід. Проста чалавек захварэў. Нягледзячы на тое, што чалавек захварэў, палічыў сваім абавязкам прыехаць у Маскву, а потым увечары таго ж дня праводзіў мерапрыемствы ў Мінску. Напэўна, мае патрэбу ў адпачынку — вось і ўсё», — пракаментаваў Затулін.
У прэс-службе Лукашэнкі афіцыйна нічога не паведамляюць.
Апошні раз Аляксандр Лукашэнка з'яўляўся на публіцы 9 мая і меў хваравіты выгляд. На ўрачыстасцях у Мінску ён упершыню не выступіў з прамовай. Сёння на афіцыйных мерапрыемствах зноў на людзях не з'явіўся.
Хто такі Міхаіл Мяховіч — сілавік, які вядзе канал ГУБАЗіКа і адказвае за прабіў людзей20
Каментары