Дзе ў Мінску прапануюць вакансіі з самым нізкім заробкам і якія патрабаванні
Myfin зазірнуў у Агульнарэспубліканскі банк вакансій і паглядзеў, якія мінімальныя заробкі (на 0,1—0,25 стаўкі) прапануюць працадаўцы Мінска.
Ад 140 да 160 рублёў прапануецца прадаўцу на 0,25 стаўкі ў «Гандлёвым доме «Лагуна». Як сказана ў аб'яве, ад суіскальніка патрабуецца быць упэўненым карыстальнікам ПК (пакет MS Office), ведаць касавую дысцыпліну. Акрамя гэтага, у працоўнай кніжцы павінны адсутнічаць негатыўныя запісы. Дастаткова сярэдняй спецыяльнай адукацыі.
Лабаранта хімічнага аналізу на 0,15 стаўкі шукае ААТ «Інтэграл». Памер заробку знаходзіцца ў дыяпазоне 100—150 рублёў.
Неабходны спецыяліст па сувязях з грамадскасцю (на 0,25 стаўкі) у «Прыход храма свяціцеля Мікалая Японскага» ў Мінску. Зарплата, указаная наймальнікам, складае 138,5 рубля. Ад суіскальніка патрабуецца валоданне японскай мовай на ўзроўні носьбіта. Рэжым працы — у адну змену.
Адкрыў вакансію гукааператара Дзяржаўны акадэмічны ансамбль танца Беларусі (на 0,1 стаўкі). У аб'яве пазначаны заробак — 60 рублёў .
58 рублёў прапануецца камерцыйнаму агенту на 0,1 стаўкі. Працадаўца — «Харчовы камбінат Белкаапсаюза». Указваецца, што работа пастаянная і мае раз'язны характар .
Патрабаванняў і пажаданняў да суіскальніка нямала: адаптыўнасць і гнуткасць, імправізацыя, шматзадачнасць, крэатыўнасць, кліентаарыентаванасць, камп'ютарная пісьменнасць, і што характэрна, нават веданне замежнай мовы.
Чытайце таксама:
Ад 4 да 14 еўра за гадзіну на рукі. Якую працу прапануюць беларусам у ЕС
У Мінску не хапае больш за 1800 медсясцёр і больш за 700 кухараў
Дырэктар Пінскага каледжа апраўдаўся за мізэрныя заробкі, якія прапануюць выпускнікам
Памятаеце выпускніка інстытута ФСБ, які раскатваў па Гродне са сцягам Наваросіі? Цяпер ён стаў варшаўскім бізнэсменам29
Каментары