Dzie ŭ Minsku prapanujuć vakansii z samym nizkim zarobkam i jakija patrabavańni
Myfin zazirnuŭ u Ahulnarespublikanski bank vakansij i pahladzieŭ, jakija minimalnyja zarobki (na 0,1—0,25 staŭki) prapanujuć pracadaŭcy Minska.
Ad 140 da 160 rubloŭ prapanujecca pradaŭcu na 0,25 staŭki ŭ «Handlovym domie «Łahuna». Jak skazana ŭ abjavie, ad suiskalnika patrabujecca być upeŭnienym karystalnikam PK (pakiet MS Office), viedać kasavuju dyscyplinu. Akramia hetaha, u pracoŭnaj knižcy pavinny adsutničać niehatyŭnyja zapisy. Dastatkova siaredniaj śpiecyjalnaj adukacyi.
Łabaranta chimičnaha analizu na 0,15 staŭki šukaje AAT «Intehrał». Pamier zarobku znachodzicca ŭ dyjapazonie 100—150 rubloŭ.
Nieabchodny śpiecyjalist pa suviaziach z hramadskaściu (na 0,25 staŭki) u «Prychod chrama śviaciciela Mikałaja Japonskaha» ŭ Minsku. Zarpłata, ukazanaja najmalnikam, składaje 138,5 rubla. Ad suiskalnika patrabujecca vałodańnie japonskaj movaj na ŭzroŭni nośbita. Režym pracy — u adnu źmienu.
Adkryŭ vakansiju hukaapieratara Dziaržaŭny akademičny ansambl tanca Biełarusi (na 0,1 staŭki). U abjavie paznačany zarobak — 60 rubloŭ .
58 rubloŭ prapanujecca kamiercyjnamu ahientu na 0,1 staŭki. Pracadaŭca — «Charčovy kambinat Biełkaapsajuza». Ukazvajecca, što rabota pastajannaja i maje raźjazny charaktar .
Patrabavańniaŭ i pažadańniaŭ da suiskalnika niamała: adaptyŭnaść i hnutkaść, impravizacyja, šmatzadačnaść, kreatyŭnaść, klijentaaryjentavanaść, kampjutarnaja piśmiennaść, i što charakterna, navat viedańnie zamiežnaj movy.
Čytajcie taksama:
Ad 4 da 14 jeŭra za hadzinu na ruki. Jakuju pracu prapanujuć biełarusam u ES
U Minsku nie chapaje bolš za 1800 miedsiaścior i bolš za 700 kucharaŭ
Dyrektar Pinskaha kaledža apraŭdaŭsia za mizernyja zarobki, jakija prapanujuć vypusknikam
Ciapier čytajuć
Nastaśsia Kaściuhova pra pazicyju Statkieviča i Cichanoŭskaj: Prapanova «dacisnuć» hučyć jak prapanova jašče pačakać niezrazumieła čaho i jak doŭha3636
Kamientary