У Малдове склалі спіс непажаданых расіян, якім забаронены ўезд у краіну. Сярод іх Пуцін і Кіркораў
Гэта ўзбудзіла Дзмітрыя Мядзведзева.
Прэм'ер-міністр Малдовы Дорын Рэчан аб'явіў, што ўлады склалі чорны спіс расіян, якім забаранілі ўезд у краіну. У яго патрапілі чыноўнікі і артысты, якія прапагандуюць і падтрымліваюць вайну Расіі супраць Украіны. У спіс патрапіў, у прыватнасці, прэзідэнт Расіі Уладзімір Пуцін і спявак Філіп Кіркораў, які раней прадзюсіраваў малдаўскіх выканаўцаў на «Еўрабачанні».
На рашэнне Малдовы адрэагаваў намеснік кіраўніка Рады бяспекі РФ Дзмітрый Мядзведзеў, вядомы сваімі шавінісцкімі выказваннямі.
«Ну, па-першае, туды зараз ніхто і не збіраецца. Можа, неяк потым… А па-другое, і краіны такой ужо няма. Мясцовыя начальнікі яе прадалі Румыніі, стаўшы здраднікамі сваёй радзімы. І з імі няма сэнсу ні пра што размаўляць. Няхай з імі народ разбіраецца. І вырашыць, нарэшце, хто яны — малдаване або румыны», — напісаў ён у сваім тэлеграм-канале.
Цяпер чытаюць
Акадэмію КДБ будуюць проста на Залатагорскіх могілках. З зямлі дастаюць парэшткі мінчукоў, якіх тут хавалі сотні гадоў16
Каментары
его это
танец на кресте во время юбилейного шоу в Кремлевском дворце
что у него, что у его бывшей жены, дети, рожденные не естественным путем
дай бажэ им канечне здаровечка