У Dana Mall адкрылі новую велікодную экспазіцыю. Як яна выглядае?
Учора на першым паверсе мінскага гандлёва-забаўляльнага цэнтра Dana Mall завяршыліся фінальныя работы над новай экспазіцыяй, прымеркаванай да Вялікадня. Выданне Blizko.by паглядзела, як гэтая экспазіцыя выглядае і з чаго складаецца.
З 31 сакавіка па 8 красавіка ў Dana Mall быў аб'яўлены Велікодны тыдзень. «Як гаворыцца, калі ў Велікодны тыдзень шчыра, ад усёй душы, загадаць жаданне, то яно абавязкова збудзецца!» — паведамляў ГЗЦ.
Акрамя майстар-класаў, спектакляў і іншых запланаваных мерапрыемстваў, каманда дэкаратараў, праекціроўшчыкаў, дызайнераў і мастакоў стварыла і рэалізавала новую экспазіцыю, прымеркаваную да свята.
Калі зайсці ў ГЗЦ праз галоўны ўваход, першае, што кідаецца ў вочы, — подыум, на якім ляжыць плеценае гняздо з аранжавым яйкам у цэнтры.
За ім знаходзяцца не менш прывабныя інсталяцыі: сем кампазіцый у форме яйка. Усе яны розных памераў і адрозніваюцца дэкорам.
Так, у адным з іх можна ўбачыць стол, за якім сядзяць зайчыкі ў рознакаляровым адзенні з пэндзлямі ў руках. А на стале ў іх стаяць слоікі з алоўкамі і фарбай.
У іншым яйкападобным доміку пад назвай «Вучэльня» зайчык сядзіць за сталом і размалёўвае велікодныя яйкі рознакаляровымі алоўкамі.
Акрамя гэтага, на імітаваным подыуме можна заўважыць млын-вятрак, лужок з курачкамі, якія рухаюцца, сабачку з яйкам у зубах і зайца, які вітае наведвальнікаў, з кошыкам, таксама напоўненым неад'емнымі атрыбутамі свята — фарбаванымі яйкамі.
Традыцыйна каманда дэкаратараў для афармлення экспазіцыі задзейнічала не толькі першы паверх, але і шкляную столь. Так, падняўшы трохі галаву, можна ўбачыць аздобленыя рознакаляровыя яйкі, ружовыя званочкі і карціны.
Цяпер чытаюць
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці6
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю33
Каментары