1 красавіка чакаюцца навальніцы, а з панядзелка пахаладае. І гэта не жарт
Сіноптыкі расказалі пра надвор'е ў першыя дні красавіка.
У суботу, 1 красавіка, надвор'е ў Беларусі будуць вызначаць атмасферныя франты, якія перамяшчаюцца з Заходняй Еўропы.
Чакаецца воблачнае надвор'е. На большай частцы тэрыторыі краіны пройдуць дажджы, ноччу па паўночным усходзе Беларусі з мокрым снегам. У начныя і ранішнія гадзіны месцамі туман.
Удзень у асобных раёнах магчымыя навальніцы.
На ўсходзе на асобных участках дарог галалёдзіца. Вецер паўднёвы ўмераны. Тэмпература паветра мінімальная ноччу +1..+ 7°С, максімальная днём + 7..+13°C, на поўдні — да +15°C.
У нядзелю на большай частцы тэрыторыі краіны пройдуць ападкі (дождж, мокры снег), раніцай і днём месцамі чакаюцца моцныя дажджы. На дарогах галалёдзіца. Вецер днём парывісты. Ноччу ад 0°C на поўначы да + 8°C на паўднёвым усходзе, максімальная тэмпература днём будзе ад +1°C на поўначы да +11°C на поўдні і паўднёвым усходзе.
У панядзелак пахаладае.
Часам пройдуць ападкі (снег, мокры снег, дождж). Таксама чакаецца галалёдзіца. Вецер паўночны парывісты. Ноччу ад -5°C на паўночным захадзе да +5°C на паўднёвым усходзе, максімальная тэмпература днём — -1..+ 6°С.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3737
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі37
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4646
Каментары