Латвійскае дзяржаўнае акцыянернае таварыства Latvijas dzelzceļš («Латвійская чыгунка») увяло забарону на перавозку ўсіх грузаў у вагонах інвентарнага парку Беларускай чыгункі, паведамляе Супольнасць чыгуначнікаў Беларусі.
Забарона на перавозку грузаў была ўстаноўленая яшчэ 23 сакавіка, але вядома пра гэта стала толькі сёння. Забарона будзе тычыцца і іншых перавозчыкаў, якія арандуюць вагоны ў Беларускай чыгункі.
Супольнасць чыгуначнікаў піша, што гэтая забарона не закране вагонаў «іншых уласнікаў», што дазваляе, напрыклад, ААТ «Белкалій» працягваць перавозкі праз Латвію ў сваіх уласных вагонах.
У той жа час гэта выключае перавозку з Беларусі нафтапрадуктаў, бо цыстэрны для гэтага ёсць толькі ў БЧ.
Зрэшты, у цяперашніх абставінах, як адзначае сама Супольнасць беларускіх чыгуначнікаў, гэты крок хутчэй сімвалічны, бо цяпер усё адно любыя грузаперавозкі з Беларусі ў Латвію знаходзяцца на гістарычным мінімуме.
Справа Софтклуба: затрыманы патрыярх беларускага ІТ Уладзімір Сіротка і некалькі топ-менеджараў. Яны падарылі нам АРІП17
Каментары