37-гадовы грамадзянін Беларусі, знаходзячыся за рулём фуры, заехаў у сцяну будынка пад Бяла-Падляскай, паведамляе Lublin112.pl. Здарэнне адбылося на тэрыторыі аўтазаправачнай станцыі.
Паліцыя атрымала сігнал, што грузавік заехаў у будынак, а ягоны кіроўца п'яны.
Прыбыўшы на месца, паліцыянты высветлілі, што за рулём знаходзіцца грамадзянін Беларусі. Алкатэстар выявіў у яго больш за 2 праміле алкаголю. Пасля таго мужчыну затрымалі і ўзялі ў яго кроў на аналіз.
Беларусу выставілі абвінавачанне ў кіраванні ў нецвярозым стане. Артыкул прадугледжвае да двух гадоў пазбаўлення волі. Таксама мужчыну давядзецца заплаціць штраф не менш за 5 тысяч злотых (больш за 1,1 тысячы даляраў).
Акрамя таго, суд можа накласці забарону на кіраванне транспартнымі сродкамі на тэрмін да 15 гадоў. Мінімальны тэрмін забароны складае тры гады.
Цяпер чытаюць
Жонка адгаворвала падпалкоўніка ДФР браць хабары, а той казаў «атрымаю палкоўніка — і на пенсію»: першая пенсія прыйшла ўжо на арыштанцкі рахунак11
Жонка адгаворвала падпалкоўніка ДФР браць хабары, а той казаў «атрымаю палкоўніка — і на пенсію»: першая пенсія прыйшла ўжо на арыштанцкі рахунак
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1515
Каментары