Пра арышты паведамілі СБУ і Офіс генпракурора Украіны. Паводле звестак «Украінскай праўды», справу расследуюць у дачыненні да былога гендырэктара «Антонава» Сяргея Бычкова, ягонага намесніка Міхаіла Харчанкі і начальніка падраздзялення авіяцыйнай бяспекі Аляксандра Нятэсава. Апошні, піша «УП», выехаў з Украіны. Усім падазраваным пагражае да 15 гадоў пазбаўлення волі.
У СБУ лічаць, што ў студзені-лютым 2022 года чыноўнікі не далі вайскоўцам арганізаваць абарону аэрадрома ў Гастомелі, дзе знаходзіўся самалёт АН-225 «Мрія». Праз дзеянні кіраўніцтва «Антонава», мяркуе следства, расійскія сілы змаглі часова захапіць аэрадром, навакольныя населеныя пункты і знішчыць «Мрію».
«Мы вядзём абʼектыўнае расследаванне гэтай справы. Тыя, хто фактычна дапамог ворагу знішчыць адзін з сімвалаў Украіны, павінны панесці заслужанае пакаранне. І СБУ зробіць для гэтага ўсё неабходнае. А новы самалёт наша дзяржава абавязкова пабудуе, таму што «Мрію», як і Украіну, немагчыма разбурыць», — сказаў кіраўнік СБУ Васіль Малюк.
Цяпер чытаюць
Мінскія ўлады расказалі, як будуць змагацца з «акіянам аўтамабіляў» у дварах2
Каментары