Мінэканомікі Украіны паведаміла, што, паводле папярэдніх ацэнак, падзенне ўнутранага валавога прадукту ў краіне ў 2022 годзе склала 30,4%.
Па словах міністра эканомікі Украіны Юліі Свірыдзенка, гэта самае вялікае гадавое падзенне ВУП з моманту здабыцця незалежнасці ў 1991 годзе.
Эканоміка Украіны арыентаваная на экспарт, у тым ліку сельскагаспадарчы, які рэзка ўпаў пасля расійскага ўварвання 24 лютага. Па даных Мінэканомікі, у 2022 годзе ўкраінскі экспарт знізіўся на 35% у параўнанні з 2021 годам.
Паводле ацэнкі экспертаў міністэрства, ва ўмовах расійскіх абстрэлаў украінскай інфраструктуры нявызначанасць і рызыка застаюцца высокімі.
Каментары