Пробашчу аднаго з найбуйнейшых прыходаў не працягнулі дазвол на жыхарства. Ён пакідае Беларусь
Ксёндз Юзаф Гэнза развітаўся з вернікамі і неўзабаве вымушаны будзе пакінуць Беларусь. Ён служыў у Гродне з 1997 года.
Гэнза быў рэктарам пабрыгідскага касцёла, капеланам сясцёр назарэтанак, настаяцелем айцоў рэдэмптарыстаў у Беларусі, паведамляе тэлеграм-канал «Хрысціянская візія».
Кс. Гэнза з пачатку служэння ў Беларусі сутыкаўся з ціскам з боку ўладаў. «З ліпеня 1997 года мае прыезды ў Гродна кваліфікаваліся як «службовыя» і пагэтаму мне трэба часта ездзіць праз мяжу. Улады дасканала ведалі, што ў рэчаіснасці я з’яўляюся душпастырам парафіі, але неяк заплюшчвалі вочы на мае частыя і доўгія «службовыя побыты», — узгадвае ён. Дазвол на працу святаром быў атрыманы толькі ў 1999 годзе.
На працягу дваццаці гадоў ксёндз працаваў у адной з найбуйнейшых парафій Беларусі ў гродзенскім мікрараёне Дзевятоўка.
Цяпер чытаюць
Чацвёртую лінію мінскага метро павядуць у Дражню. А «Сляпянка» і «Даўгабродская» змянілі сваё месца2
Каментары