Бананы і смачныя, і карысныя, гэта здаровы перакус. Але бананавая скурка, якую мы звычайна выкідаем, таксама мае каштоўныя ўласцівасці і можа быць карыснай.
Калі мы з’елі банан, мы звычайна выкідаем лупіны, але замест гэтага варта выкарыстаць іх, напрыклад, у гаспадарцы. Калі заліць лупіны вадой і пакінуць на некалькі гадзін ці нават дзён, атрымаецца сумесь, якая можа добра спрацаваць як угнаенне для раслін. Кальцый, калій, фосфар, азот, магній і крэмніевая кіслата, што змяшчаюцца ў гэтай сумесі, узмацняць расліны і адпудзяць тлю.
Гэтае ўгнаенне не абавязкова павінна быць вадкім. Калі вы падсушыце скурку на сонцы ці на блясе і здробніце тое, што ў вас атрымаецца, атрымаецца парашковае ўгнаенне. А можаце і проста закапаць свежыя бананавыя скуркі ля каранёў расліны: яна хутка перагніе, расліна будзе атрымліваць карысныя рэчывы.
Чым спялейшы банан, тым больш пажыўных рэчываў у яго лупінах. У іх ёсць ферменты з бактэрыцыднымі і супрацьгрыбковымі ўласцівасцямі, што дае магчымасць выкарыстоўваць іх ў медыцынскіх мэтах (толькі перад гэтым добра прамыйце скурку). Вас укусіў камар, уджаліла пчала? Прыкладзіце да ацёку скурку ад банана сярэдзінай — вам палягчэе.
Лупінамі банана можна паліраваць металічныя паверхні, вырабы з натуральнай скуры ці срэбра.
А яшчэ бананавай скуркай, яе ўнутранным бокам, добра асвяжаць лісты хатніх раслін, здымаць з іх пыл.
Чытайце таксама:
Рэцэпт на выхадныя: шакаладна-бананавыя французскія тосты
Галаваломка для хуткіх: колькі часу вам спатрэбіцца, каб знайсці ката?
Вось 7 простых лайфхакаў, дзякуючы якім ваша сантэхніка будзе блішчэць кожны дзень
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі15
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1515
Каментары