Па Telegram распаўсюджваецца новая фішынгавая рассылка. Распавядаем, як яна выглядае
Гэта адбылося сёння — будзьце асцярожныя, каб не «падарыць» акаўнт невядомым махлярам.
Сёння нашы чытачы паведамілі, што ў Telegram распаўсюджваецца новая фішынгавая рассылка. Акаўнт «Паведамленні» інфармуе, што тэрмінова трэба прайсці аўтарызацыю, каб «абараніць даныя»:
Далучаная спасылка вядзе на фэйкавы сайт checktgacc.org. Сам рэсурс — гэта падробка арыгінальнага сайта Telegram. Акрамя гэтага, у сайта не падключаны ssl (для звычайнага карыстальніка выглядае як спасылка, якая пачынаецца з «https», абараняе даныя карыстальніка), а дамен checktgacc.org зарэгістраваны толькі 18 верасня 2022 года. Само паведамленне зробленае настолькі няўважліва, што нават пераблытаны афіцыйны адрас Telegram у інтэрнэце (Telegram.com замест Telegram.org у тэксце).
Telegram ніколі не будзе прасіць раптам «пацвердзіць» ваш уваход, бо ў гэтым няма ніякага практычнага сэнсу. Тым больш праз неафіцыйны акаўнт — бо адміністрацыя ніколі не выкарыстоўвала акаўнт «Паведамленні» ў якасці кантактнага.
Акаўнт, з якога прыходзіць рассылка, раней быў заўважаны ў шматлікіх групах і, магчыма, робіць рассылку і туды, бо амаль ва ўсіх з іх ужо заблакаваны.
Цяпер чытаюць
Што за Дзмітрый Скіндзераў, які абвясціў вайну Ціханоўскай? Супрацоўніцтва з ГУБАЗіКам, даўгі ў Беларусі, даўгі ў Літве44
Каментары