Алег Алкаеў кіраваў СІЗА №1 на Валадарскага ў Мінску пяць гадоў, з 1996-га па 2001 год, калі быў вымушаны эміграваць у Нямеччыну, ратуючыся ад пераследу ўладаў. Яму было 69 гадоў.
Алег Алкаеў памёр сёння, 20 верасня, а 5-й раніцы, паведаміў «Нашай Ніве» яго сябар. Прычына смерці пакуль невядомая, будзе судмедэкспертыза. Сябар мяркуе, што прычынай смерці мог стаць тромб.
Пахаванне адбудзецца ў Берліне.
Менавіта Алкаеў у 2001-м заявіў уголас, што беларускія ўлады могуць быць датычныя да знікнення і меркаванага забойства беларускіх палітыкаў — апанентаў Лукашэнкі — старшыні Цэнтрвыбаркама Віктара Ганчара, міністра ўнутраных спраў Юрыя Захаранкі і бізнэсмена Анатоля Красоўскага.
Алкаеў змог вывезці кнігу ўліку выдачы зброі, у якой зафіксавана, што ў дні, калі зніклі людзі, ён перадаў расстрэльны пісталет па распараджэнні міністра ўнутраных спраў. Пры гэтым расстрэлы паводле прысудаў у гэты час не праводзіліся.
Чытайце таксама:
Алкаеў: пра эскадроны смерці, уцёкі з турмы і пра тое, адкуль бярэцца садызм сілавікоў
Цяпер чытаюць
«Вайна ўсё спіша». Беларускім удзельнікам гей-прайда ў Вільні пагражалі расправай ад імя беларускіх ваяроў за выкарыстанне бела-чырвона-белага сцяга219219
Каментары