Папулярную тыктокерку з Лунінца, якая ратавала бяздомных жывёлінаў, асудзілі за палітыку
У Алены Хартановіч падпісчыкаў столькі ж, колькі жыхароў у яе родным горадзе. Жанчына вяла блог пра дапамогу жывёлам, але нядаўна яе судзілі паводле палітычнага артыкула.
Алене Хартановіч 52 гады. Жанчына жыве ў Лунінцы разам з мужам, у пары двое дарослых дзяцей. Яна працуе прадавачкай у мясцовай краме «Белвест».
У сацсетках Алена стала сапраўднай мясцовай зоркай, дзякуючы свайму добраму сэрцу. Яна вядзе папулярны тыкток-акаўнт, на які падпісаныя амаль 24 тысячы чалавек.
У блогу жанчына публікавала сотні відэа пра выратаванне бяздомных жывёлін: яна лячыла катоў і сабак з вуліцы, шукала ім дом і дзялілася кранальнымі гісторыямі са сваімі падпісчыкамі. Агулам яе ролікі сабралі амаль мільён лайкаў і больш за 10 мільёнаў праглядаў.
Невядома, калі Алену затрымалі. Але нядаўна Брэсцкі абласны суд прызнаў яе вінаватай паводле частак 1 і 2 артыкула 361‑4 Крымінальнага кодэкса («спрыянне экстрэмісцкай дзейнасці»).
Часцей за ўсё апошнім часам паводле гэтага артыкулу судзяць за паведамленні ў тэлеграм-бот канала «Беларускі Гаюн». Алене Хартановіч прысудзілі хатнюю хімію і ўнеслі яе ў «спіс экстрэмістаў» МУС.
«Наша Нiва» — бастыён беларушчыны
ПАДТРЫМАЦЬЦяпер чытаюць
«Пра які саюз можна гаварыць?» Лукашэнка ў Астане раскрытыкаваў Расію за навязванне утыльзбораў11
Каментары
Сіл вам прайсці праз гэтыя выпрабаванні.
Трымайцеся !