Выпіць чарку-другую і гэтым дапамагчы экалогіі. Будзеце смяяцца, але гэта цалкам рэальна
Бутэлька гэтай гарэлкі выдаляе з атмасферы столькі ж вуглякіслага газу, як сем вялікіх дрэваў. Popularmechanics.com распавядае, як высокія тэхналогіі дазваляюць вырабіць гарэлку і дапамагчы выратаваць свет.
Клапоціцеся пра экалогію? Тым часам хочацца выпіць, каб зняць напружанне? У Air Company ёсць ідэальнае рашэнне для абедзвюх праблем: гарэлка з паветра.
Air Company стварае розныя прадукты на аснове выкідаў вуглякіслага газу (CO2), які складае 79 адсоткаў парніковых газаў.
Кампанія сцвярджае, што кожная бутэлька іх гарэлкі дапамагае перапрацаваць болей CO2 з навакольнага асяроддзя, чым сем вялікіх дрэваў.
Кампанія Air ператварае вуглярод з паветра ў чысты этанол. Гэты метад падобны на фотасінтэз у раслін, толькі больш эфектыўны.
Канверсійны рэактар вырабляе сумесь 10-адсоткавага этанолу і вады. Затым 10-адсоткавы этанол у адмысловым 18-ступенчатым дыстылятары пераганяецца ў канцэнтрацыю 96,5%. Пасля дадаткова ачышчаецца і разводзіцца, каб атрымалася гарэлка.
Гэтая гарэлка свабодная ад усіх дамешкаў, якія ўтвараюцца падчас звычайнай ферментацыі этанолу. У выніку атрымліваецца высакаякасная і чыстая саракаградусная гарэлка, якую не сорамна прынесці ў добрую кампанію.
Праўда, і каштуе яна нятанна — ад 80 даляраў за бутэльку на сайце вытворцы.
Што цяпер з італьянскімі візамі? Масавыя адмовы? Турфірмы называюць альтэрнатыву6
Што цяпер з італьянскімі візамі? Масавыя адмовы? Турфірмы называюць альтэрнатыву
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары