Палітзняволеную візажыстку Вольгу Томіну пачнуць судзіць 24 мая
Справу Вольгі Томінай будуць разглядаць з 10:30 24 мая ў судзе Ленінскага раёна Мінска. Судовы працэс будзе весці суддзя Юлія Шут, піша «Вясна».
Візажыстку Вольгу Томіну затрымалі 9 сакавіка па крымінальнай справе па арт. 342 КК (удзел у дзеяннях, якія груба парушаюць грамадскі парадак).
«Пакаяннае відэа» з ёй з'явілася ў праўладных тэлеграм-каналах.
У Вольгі трое дзяцей, а ў Інстаграме на яе падпісаныя больш за паўмільёна чалавек.
Падтрымаць яе можна лістамі, тэлеграмамі, грашовымі пераводамі і бандэролямі на адрас: СІЗА-1, 220030, г. Мінск, вул. Валадарскага, 2, Вольга Аляксандраўна Томіна.
Палітычны тэрор у Беларусі разгарнуўся пасля выбараў 2020 года. З заяў кіраўнікоў Генеральнай пракуратуры і Следчага камітэта вынікае, што распачалі больш за 10 тысяч палітычна матываваных крымінальных спраў. Больш за 1200 чалавек праваабаронцы прызналі палітзняволенымі.
Цяпер чытаюць
Куды цяпер едуць вучыцца беларускія студэнты — топ краін і тэндэнцый8
Каментары