Заходнія медыя пішуць пра цяжарнасць Аліны Кабаевай: «Пуцін незадаволены»
Па інфармацыі замежных СМІ, былая гімнастка Аліна Кабаева зноў цяжарная. Інфармацыя пра тое, што Кабаева чакае дзіця, нібыта не парадавала Уладзіміра Пуціна — пра сувязь расійскага прэзідэнта з экс-спартоўкай кажуць ужо не першае дзесяцігоддзе.
Меркавана, што Пуцін знаходзіцца ў адносінах з Кабаевай недзе з 2008 года. Лічыцца, што ў іх ёсць агульныя дзеці, але ж іх колькасць невядомая. Хутчэй за ўсё, размова ці пра блізнят, ці пра сына і дачку, піша onet.pl.
Нядаўна швейцарская прэса паведаміла, што Кабаева таксама нарадзіла Пуціну дваіх сыноў: першага — прыкладна ў 2015 годзе, а другога — у 2019-м.
Цяпер медыя сцвярджаюць, што 38-гадовая Кабаева зноў цяжарная. The Daily Mail паведамляе гэта са спасылкай на тэлеграм-канал «Генерал СВР». Згодна з артыкулам брытанцаў, верагодна, што новая цяжарнасць Кабаевай была незапланаваная, таму Пуцін і выглядае зараз прыгнечаным.
У першыя два месяцы вайны ва Украіне было невядома, дзе знаходзіцца Аліна Кабаева, але ж ужо некалькі тыдняў, як яна вярнулася ў Расію. Былая спартсменка з’явілася ў Маскве на мерапрыемстве па мастацкай гімнастыцы «Фестываль «Аліна». Праект прайшоў у лепшых традыцыях расійскага «патрыятызму» — з выступам ваеннага хору і дэманстрацыяй сумнавядомай літары Z.
Заходнія медыя даўно пішуць пра тое, што Кабаева дзейнічае ад імя Крамля і распаўсюджвае пуцінскую прапаганду. Па меркаванню нямецкага Bild, Пуціну патрэбная жанчына, каб абслугоўваць яго машыну няпраўды, і Кабаева ідэальна для гэтага падыходзіць. Былую гімнастку ведаюць і любяць па ўсёй Расіі, лічаць іконай спорту і легендай расійскага алімпійскага руху.
«Нашу Ніву» фінансуюць яе чытачы — падтрымаць проста
Чытайце таксама:
Чаму ЗША вырашылі не ўводзіць санкцыі супраць Аліны Кабаевай
-
Іран перад ударам па амерыканскай базе ў Іарданіі атрымаў спадарожнікавыя здымкі з Кітая
-
Саудаўская Аравія прыпыніла працу нафтаправода «Усход — Захад» пасля атакі дронаў з тэрыторыі Ірака. Па ім ідзе 5% сусветнай нафты
-
Развітанне з вугалем адкладаецца. Бруднае паліва зноў у модзе дзякуючы Трампу, Пуціну і глабальнаму пацяпленню
Цяпер чытаюць
Па падазрэнні ў забойстве цяжарнай мінчанкі затрымалі хакейнага суддзю Аляксея Гаўрылёнка4
Каментары