Алесю Буневіч абвінавачваюць у дапамозе тэрарызму і дзяржздрадзе
Затрыманую ў Беларусі дырэктарку і менеджарку па сувязях з грамадскасцю віленскага друкавальнага цэнтра Алесю Буневіч абвінавачваюць у дапамозе здзяйсненню акта тэрарызму, піша «Зеркало» са спасылкай на «Беларусь 1».
Алеся Буневіч, сцвярджаюць стваральнікі паказанага ў эфіры БТ фільма, павінна была дапамагчы пакінуць тэрыторыю Беларусі «групе Дзмітрыя Клімава» (30 сакавіка былі затрыманыя трое жыхароў Бабруйска, якія ўчынілі дыверсію 28 сакавіка ў Асіповіцкім раёне).
«Перад дзяўчынай стаяла спецыфічная задача — яна павінна была правесці разведку на мясцовасці, зрабіць закладкі сім-карт і адправіць відэа свайму куратару ў Літву», — сцвярджаюць стваральнікі фільма.
На відэа, якое пазначанае як «аператыўныя здымкі», Буневіч расказвае, як купляла літоўскія сім-карты за некалькі дзён да паездкі ў Беларусь, паказвае, дзе хавала іх на тэрыторыі краіны, пра тое, як усё здымала на відэа, каб пераслаць «свайму куратару ў Літве». А таксама, што павінна была «адправіць» маладых людзей, калі яны пад'едуць да мяжы.
Клімаву, Аўрамцаву і Мінкевічу «пагражае артыкул тэрарызм», гучыць у фільме (да 20 год пазбаўлення волі).
Алесю Буневіч называюць іх саўдзельніцай, «арганізатарам канала ўцёкаў тэрарыстаў» і… агентам літоўскіх спецслужбаў. «А гэта ўжо здрада», — гаворыцца ў фільме. Пры гэтым якіх-небудзь важкіх доказаў гэтых абвінавачванняў не гучыць.
Пра затрыманне Буневіч стала вядома 15 красавіка. Па інфармацыі праваабаронцаў, дзяўчына жыла ў Вільні, а ў Беларусь прыехала на гадавіну смерці маці.
Вярнулася ў Беларусь з Літвы — цяпер пагражае 20 гадоў за тэрарызм. Расказваем пра Алесю Буневіч і падрабязнасці яе затрымання
Што вядома пра хлопцаў, затрыманых са стралянінай за дыверсіі на чыгунцы?
Цяпер чытаюць
Азаронак напісаў пра палітэмігранта — пасля гэтага брата і бацьку таго кінулі за краты2
Каментары