У Казахстане плануюць прыняць новыя папраўкі ў Канстытуцыю, згодна з якімі першы прэзідэнт краіны Нурсултан Назарбаеў страціць статус і прывілеі Елбасы — Лідара Нацыі
Пра гэта паведаміў спікер Мажыліса (ніжняй палаты парламента) Ерлан Кашанаў, піша Tengrinews.
— Папраўкамі выключаецца статус Елбасы. У Канстытуцыі застаецца роля Назарбаева як заснавальніка дзяржавы, — заявіў Кашанаў.
Таксама спікер Мажыліса заявіў, што ў Канстытуцыі існуе норма аб экс-прэзідэнтах, — застанецца яна і пасля паправак і будзе распаўсюджвацца ў тым ліку на першага прэзідэнта.
Кашанаў падкрэсліў, што пакуль не прынятае канкрэтнае рашэнне аб тым, як менавіта будуць прынятыя канстытуцыйныя папраўкі — шляхам рэферэндуму або праз парламент.
Ён удакладніў, што Нурсултан Назарбаеў на падставе закона аб былых прэзідэнтах будзе атрымліваць пенсію, дзяржаўнае забеспячэнне і абарону гонару і годнасці. Тым не менш норма аб тым, што першага прэзідэнта і бліжэйшых членаў яго сям'і нельга прыцягваць да крымінальнай адказнасці, будзе выключаная.
Назарбаева пасля студзеньскіх пратэстаў ссунулі з пасады лідара праўладнай партыі «Нур Атан», а яго дачку выключылі з палітрады.
Цяпер чытаюць
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю33
Каментары