Грамадства

Памёр заснавальнік газеты «Свабода» Павел Жук

Сёння раніцай пайшоў з жыцця выдавец легендарных газет «Свабода» і «Навіны» Павел Жук, паведамляе Беларуская асацыяцыя журналістаў.

Жук увайшоў у гісторыю як чалавек, які ўзяў удзел у аднаўленні незалежных СМІ пасля дзесяцігоддзяў савецкага таталітарызму. Жыццялюб, паспяховы прадпрымальнік, ён даў імпульс газетнай справе. Браў на сябе вялізныя рызыкі, але газеты выходзілі.

Павел Жук нарадзіўся ў 1956 годзе ў Баранавічах. Скончыў фізічны факультэт БДУ, працаваў у Акадэміі навук. У 1989 годзе ён, удзельнік незалежніцкага падполля, увайшоў у выдавецкую групу часопіса «Літаратура», які заснавалі Сяргей Дубавец і Алесь Бяляцкі. Потым браў удзел у выданні «Навін БНФ».

У сакавіку 1990 года разам з Дубаўцом і Алесем Гурковым выдаў «Дзень Волі — 90», прымеркаваны да 72-х угодкаў стварэння БНР. «Дзень Волі» стаў пралогам газеты «Свабода», першы нумар якой пабачыў свет у красавіку 1990 года. 

Газету «Свабода» выдаваў да лістапада 1997 года, пакуль яна не была зачыненая пасля неаднаразовых папярэджанняў за публікацыю крытычных да палітыкі Лукашэнкі артыкулаў.

У студзені 1998 года газета адрадзілася пад назвай «Навіны», выдаўцом зноў стаў Жук.

У 1990-я Жук браў актыўны ўдзел і ў палітычнай барацьбе за дэмакратыю і незалежнасць. У 2000-я ён адышоў ад палітыкі, выйшаў з медыйнага і перайшоў у немедыйны бізнэс.

Да 2002 года Павел Жук быў таксама і выдаўцом газеты «Наша Ніва». 

Каментары

Цяпер чытаюць

Ізраільскі авіяўдар перарваў эфір дзяржтэлерадыё Ірана. Штаб-кватэра ТБ знішчаная ВІДЭА32

Ізраільскі авіяўдар перарваў эфір дзяржтэлерадыё Ірана. Штаб-кватэра ТБ знішчаная ВІДЭА

Усе навіны →
Усе навіны

П'яны васьмікласнік у Гомелі ў гандлёвым цэнтры біў нагамі супрацоўнікаў міліцыі12

Аўтамабіль пад Мінскам сутыкнуўся адразу з трыма ласямі1

Ад заўтра зноў пачне халадаць2

Каля Сбер банка ў Мінску адкрываюць помнік качцы

На канферэнцыі Reshape 2025 абурыліся «тысячамі канферэнцый», абвінавацілі Ціханоўскую ў дыктатуры і ацанілі вынікі 5 гадоў у эміграцыі28

«Тое, што Ізраіль зрабіў з Іранам, — гэта тое, што Расія хацела зрабіць з Украінай»18

Жанчына злавіла на Прыпяці гіганцкага таўсталобіка. Яго вага — каля 60 кг3

Дзяўчынцы з Польшчы, ахвяраваць грошы якой заклікаў беларус, сабралі патрэбную суму1

Пяць фактаў пра новага прэс-сакратара МЗС, які хамаватасцю косіць пад Марыю Захараву10

больш чытаных навін
больш лайканых навін

Ізраільскі авіяўдар перарваў эфір дзяржтэлерадыё Ірана. Штаб-кватэра ТБ знішчаная ВІДЭА32

Ізраільскі авіяўдар перарваў эфір дзяржтэлерадыё Ірана. Штаб-кватэра ТБ знішчаная ВІДЭА

Галоўнае
Усе навіны →

Заўвага:

 

 

 

 

Закрыць Паведаміць